ჩვენ შესახებ

1979 წლამდე ყაზბეგის ცენტრალური ბიბლიოთეკას ეწოდებოდა ყაზბეგის სარაიონო ბიბლიოთეკა, ამ წლიდან  დაიწყო არსებული ბიბლიოთეკის ცენტრალიზაციაც, სადაც გაერთიანებული იყო 28 ფილიალი. ცენტრალური ბიბლიოთეკაში გამოყოფილი იყო საბავშვო განყოფილება გამგით და 2 ბიბლიოთეკარით, ხოლო  ძირითადი ფონდი და საცავი   ბიბლიოთეკის დირექტორის დაქვემდებარებაში იყო. ასევე, ცენტრალურ ბიბლიოთეკაში შედიოდა დაკომპლექტება-დამუშავებისა და ბიბლიოგრაფიული განყოფილებები. სამკითხველო დარბაზში დასაქმებული იყო ერთი ბიბლიოთეკარი, ხოლო ბიბლიოგრაფიულ და მეთოდურ განყოფილებაში თითო-თითო თანამშრომელი. დაკომპლექტება-დამუშავების განყოფილებაში ხდებოდა 28 ფილიალისთვის წიგნების დამუშავება, გატარება საინვენტარო წიგნში და ისე მიწოდება. ცენტრალურ ბიბლიოთეკას წიგნები მიეწოდებოდა საქართველოს ფოსტის საშუალებით, სხვადასხვა გამომცემლობებიდან თვეში 3-4-ჯერ. ფილიალებს ემსახურებოდა ტრანსპორტი, რისი საშუალებითაც ხდებოდა დამუშავებული წიგნების მიწოდება. იმ სოფლებში კი, სადაც არ იყო ბიბლიოთეკის შენობა, ფუნქციონირებდა ე.წ. მოძრავი ბიბლიოთეკა. ყაზბეგის მუნიციპალიტეტში ფუნქციონირებს ცენტრალური ბიბლიოთეკის დაქვემდებარებაში მყოფი ოთხი ფილიალი.